Cucha Independentista manifiesta o suyo refirme y partizipación en a coalizión Iniziatiba Internazionalista

Cucha Independentista - Iniziatiba Internazionalista

Cucha Independentista - Iniziatiba Internazionalista

En decadas emos soportau chunto a Pueblos chermanos a tiranía d’o rechimen monarquico español. Un rechimen que alazetau en una constituzión producto d’un estau d’emerchenzia, o trango d’una dictadura faixista enta una monarquía parlamentaria que son os ereus directos (con o suzesor nombrau por Franco) d’o rechimen anterior, ha consagrau a o capitalismo como unica e incuestionable traza d’almenistrazión economica, d’a mesma traza que ha imposau a unidat d’o reino como unica traza d’almenistrazión posible, reprimindo a os Pueblos que luitan por a suya independenzia politica, cultural y sozial u negando a suya existenzia y os suyos dreitos colectibos. Ta la esfensa d’os suyos alazez d’o sistema, y os partius complizes que lo refirman, se ha dotau de leis electorals, sistemas autonomicos, tribunals, fuerzas armadas y poliziacas, meyos de comunicazión, y tot un tarabidau legal y sozial de cortesanos españols:

Güe sabemos que o sistema capitalista, que en a suya bersión española tiene una d’as más zereñas, masclistas y corruptas caras, se ha esboldregau. Ye intolerable eticamén combibir con 195 millons d’aturaus en o planeta. No ye asumible que 90mil compatriotas faigan creixer as ringleras de l’ature. Ye incomprensible que uns poquez destruigan a naturaleza d’o planeta por una razón conzietera con a inmensa mayoría d’os suyos abitadors tot luitando por a razión menima de augua ta sobrebibir. Tot estricallando o capitalismo en Aragón as nuestras montañas y os nuestros ríos ta combertir-los en un producto más d’o mercau capitalista, os nuestros chermanos d’o sur fan entrega d’as suyas bidas a o treballo esclabo por dos dolars diarios, ixe ye o pre d’a superbibenzia d’o capitalismo. Güe sabemos que atros modelos d’ordenazión economica d’as nuestras soziedaz son posibles y aplicables. Conoixedors d’a nuestra istoria libertaria y a suya exitosa experienzia politica y d’as experienzias de construczión d’o sozialismo d’o sXXI d’o nuestros chermanos latinoamericanos, güe un colectibo de mullers y ombres aragones@s militans en organizazions politicas, sozials, sindicals, ecolochistas, culturals, estudiantils y bezinals d’Aragón. Independentistas, sozialistas y libertarios, reboluzionarios y en luita contra o patriarcau, dizimos que atro mundo no nomás ye posible, sino que cal.

Pero o tarabidau esclabista español no sería pleno si a o capitalismo asesino no se chuntase a imposizión d’o españolismo y a suya doctrina ultranazionalista catolica que proposa a represión politica, chudizial, cultural, lingüistica, sozial e intelectual d’os pueblos y nazions baixo a suya lei. A constituzión monarquica española tiene l’afer de delegar en zaguer instanzia en o suyo exerzito a o mantenimiento d’a suya indisoluble unidat d’o reino. Iste prenzipio  constituzionalista pero antidemocratico ye l’alazet sobre o cual os patronos españolistas, os politicos profesionals d’os partius d’o rechimen y os sindicalistas de cambra fan, meten en común y executan de buen implaz as politicas diseñadas por os suyos fillez formaus en as unibersidaz d’elite. Ye a farsa democratica. A negazión d’o dreito d’os pueblos a la suya libertat colectiba, a la suya independenzia politica, ye o denominador común  d’os amos d’o reino. A nueba aristocrazia española y os suyos basallos niegan a os Pueblos o suyo dreito a existir d’a mesma traza que acotolan as libertaz indibiduals d’o disidén ideolochico u politico, prou que tot ello (encara que no siempre) baixo a suya legalidat bichén. Por atro costau, as mullers y ombres de Cucha Independentista Aragonesa luitamos por a construczión d’un Aragón independién y soberano, an que os nuestros ziudadanos sigan libres y iguals debán d’a lei.

Istas han estau as premisas que mientres os zaguers meses nos han endrezau tamién ta adibir o treballo colectibo, cheneroso y plral que emos beniu desembolicando chunto a las cuchas independentistas d’atros pueblos de l’Estau y d’a cucha estatal anticapitalista respetuosa con os dreitos nazionals y colectibos d’os Pueblos. Ye estando iste un treballo colectibo apasionán, con rasgos istoricos, ubierto a la incorporazión d’organizazions politicas de toz os Pueblos, de colectibos sozials, culturals, y embrecau con a buena chen, con os luitadors por a libertat, a chustizia sozial y a fraternidat entre os Pueblos. Ye un treballo colectibo de presén y futuro, lagor d’a unidat d’os Pueblos debán d’o capitalismo. Lagor reboluzionaria d’un futuro de libertat ta Pueblos y ziudadanos. Ye o porbenir feito presén. Ye a buelta de l’Aragón libertario y insurchén a Europa, por Canfranc y o Comachibosa, d’a man d’os nuestros chermanos catalans, andaluzes, asturianos, bascos, castellanos, gallegos, oczitanos, bretons, escozeses, corsos, …, Emos plegau aquí ta continar caminando chuntos.

Partizipamos pues en ista candidatura con esprito de ruptura, con o capitalismo, con o Reino d’España y con a Europa d’o Capital y os estaus. Alportando-ie os nuestros dezibelios, o bozero que chilará as nuestras reibindicazions, as de luita diyaria en o nuestro país, en un Parlamento acantonau y dolén d’ipocresía, estatalista y malmeso, an que chuntaremos os nuestros esfuerzos alportando-ie as nuestras propuestas de radicalidat democratica, de partizipación sozial, de sozialismo, antifaixismo y independentismo.

Femos pues un clamamiento a os aragoneses a refirmar ista candidatura con o suyo treballo diyario, militán y transformador, ta que o boca a boca siga una espurna ensordezedera en tot lo país y o diya 7 de Chunio bozes anticapitalistas e independentistas se chunten en Europa ta construyir un mundo millor.

Cucha Independentista Aragonesa.

Anuncios

Una respuesta

  1. […] En decadas emos soportau chunto a Pueblos chermanos a tiranía d’o rechimen monarquico español. Un rechimen que alazetau en una constituzión producto d’un estau d’emerchenzia, o trango d’una dictadura faixista enta una monarquía parlamentaria que son os ereus directos (con o suzesor nombrau por Franco) d’o rechimen anterior, ha consagrau a o capitalismo como unica […] El post original […]

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: