COMUNICAU 8 DE MARZO DE 2010 – A CLAU ROYA

Dimpués de sieglos luitando por os dreitos d’as mullers, Clara Zetkin, empentora d’o diya internazional d’a muller treballadora y multitud de mullers nos regaloron iste diya 8 de Marzo, no ta zelebrar sino ta luitar, rebelar-nos y fer más esclatero a nuestra oposizión y denunzia al sistema patriarcal, capitalista e imperialista, un diya en que emos d’alzar a boz como lo femos a ormino, pero chuntas contra la opresión, discriminazión y sometimiento. Toz os diyas son 8 de marzo.

A sozialización que recullimos permite y estructura la dibisión secsual d’o treballo. D’ista traza os ombres son educaus y sozializaus ta desembolicar funzions productibas con una mena de prestichio sozial, entre que ta las mullers se nos confiere “biolóchicamen” as funzions d’a casa, sozials e instituzionalmen sin balura.

A inclusión d’a muller en o mercau laboral no supuso un reparto igual d’o treballo, ni dentro ni difuera d’a casa. As mullers recullimos piors salarios que nuestros compañers masculinos en a reyalizazión d’as mesmas tareas, d’a mesma traza ocupamos más puestos de treballo a tiempo parzial (de cada 5 personas 4 son mullers), lo que son unos menores ingresos dixándonos en una mayor situgazión de bulnerabilidat economica. Güe son más as mullers que azeden y rematan estudios unibersitarios o que no coinzide con puestos de responsabilidat ocupados, trobándonos con ixe teito de cristal que nos impide plegar a puestos de dezisión. Dende que dentramos en o mercau productibo, as mullers emos y continamos soportando mayors tasas d’ature,continamos estando as destinadas a ocupar puestos precarios, chornadas reduzidas u contratos temporals.

Por ista sozializazión discriminatoria ta las mullers se nos amostra fer unos determinaus rols y estereotipos azeptados y emponderaus sozialmen, relazionus con tareas de cuidau y preocupazión por os demás. Isto supone l’elebau albandono, temporal u permanen, d’o treballo asalariau por parti d’as mullers debiu a la natalidat u cuidau de familiars creyando parentesis profesionals u a finalizazions d’a carrera profesional y o consiguien desembolique personal.

Pero no sólo en l’ambito laboral nos trobamos con istas desigualdats, ya que a biolencia y a discriminazión contra as mullers ye estructural, por más que o sistema y os meyos de comunicazión nos quieran fer creyer lo contrario. As muertes por biolencia contra as mullers continan en ista soziedat “democratizada”, cada añada emos de contabilizar muertes de mullers a mans d’as suyas parellas, ex parellas, amigos, conoixidos u desconoixidos; muertes toleradas por o sistema patriarcal. Cada añada emos de contabilizar muertes por albortos clandestins, en o siglo XXI a muller no tien dreitos ta dezidir sobre su propio cuerpo. Cada añada emos de leyer sentenzias esculpatorias contra agresors, bioladors, acosadors ta qui se les dixa paseyar impunes por o sistema chudicial.

Por tot isto dende A Clau Roya clamamos a manifestar-nos toz os diyas contra ista inchusticia, clamamos a sentir-nos ereus de tot aquello que millons de mullers a lo largo d’a nuestra istoria consiguioron y fer que as chenerazions esbenideras se sientan arguellosas, luitando un mundo en igualdat plena y reyal.

Faigamonos fuertes y combatibas”

Muller no rebles pas”

A Clau Roya

Aragón a 8 de Marzo de 2010

Anuncios

Una respuesta

  1. […] Dimpués de sieglos luitando por os dreitos d’as mullers, Clara Zetkin, empentora d’o diya internazional d’a muller treballadora y multitud de mullers nos regaloron iste diya 8 de Marzo, no ta zelebrar sino ta luitar, rebelar-nos y fer más esclatero a nuestra oposizión y denunzia al sistema patriarcal, capitalista e imperialista, un diya en que […] El post original […]

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: