QUE LA CRISIS LA PAGUEN LOS RICOS

100.000 treballadors en l’ature en Aragon, a-saber-lo d’ERES, tranque d’interpresas aproveitandose d’a situacion de crisis, retalle d’os dreitos d’os treballadors, 20% d’aragoneses en a muga d’a probreza.

Debant d’ista grau situacion o Gubierno d’Aragon ye disparexiu. Un gubierno que mientres anyos ye estau publicitando prochectos faraonicos como a solucion t’os problemas d’Aragon, prochectos que han feito burro falso, agora no da la cara, y no la da ta no haber de responder por a esclatera malmetida d’a politica que ye veniu desenvolicando.

Un Gubierno d’Aragon que ye veniu desenvolicando politicas que han empentau una economia especuladera y fosca, frent a la necesidat de creyar una economia productiva de calidat.

Debant d’ista grau situacion o Gubierno d’Aragon s’ha meso d’o canto d’a patronal y d’as entidatz financieras, sin parar cuenta d’as demandas d’os treballors, istas organizacions interpresarials y entidatz financieras reclaman diners ta ellas y demandan retalles t’os treballadors.

– Ye inadmisible que s’haiga doblau o numero d’aturaus, lo que suposa un 13% tot estando a meya europeya o 9.5%

– No imos a consentir que os gubernants aragoneses nos faigan bosar a crisis a os treballadors, ni tampoco no reduzcan a calidat y as coberturas d’os Servicios Publicos, fendo cada vegada mas precario lo treballo publico, tot isto con a unica fin de poder privatizar-los en o futuro venient.

– Desichimos o mantenimiento d’o treballo frent a os espachaus y amillorar a calidat d’o mesmo, no s’han d’aprebar ERE’s en interpresas con esquimens.

– Barallar o fraude en os achustes temporals, mugando de tot os subachustes y eliminando as ETT’s.

– Queremos que se desenvoliquen de tot as capacidatz de l’autogubierno d’Aragon, ye menester plegar en un tratamiento presupuestario chusto por parti d’o Gubierno espanyol. Y reyalizar unas politicas fiscals mas chustas y progresivas que contribuigan a o reparto mas equitativo d’a riqueza, que bose o que mas en tien.

– Empentar o sector publico como motor de desenvolique economico y social.

– Ye menester que dende Aragon podamos decidir de tot qüestions alazetals como: negociacion colectiva y proteccion social, reduccion d’a chornada laboral, acotoladura d’as horas extras, enante d’a edat de chuvilacion, amillorar o sistema de pensions y dignificar os chornals.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: