Puyalón de Cuchas en o Diya d’a Patria Galega (25 de Chulio)

Una clica delegada de Puyalón de Cuchas (Organizacion Politica d’a cucha independentista d’Aragon) estio en Compostela iste 25 de chulio, diya d’a Patria Galega, convidaus por os companyers/eras de NÓS-Unidade Popular.

O diya d’antis, 24 de chulio, l’alcalde d’o PP, Conde Roa, heba viedau de fer o concierto d’a organización choven BRIGA (negando l’espacio publico, metendo fianzas granizas, y retallando l’horario de mena surrealista).

Ixe mesmo diya 24 de chulio a clica delegada de Puyalón de Cuchas participó, chunto a decenas de presonas, en a cadena humana ta refirmar a os presxs politicxs galegxs, convocada por a organizacion antirepresiva Ceivar. Mas tardi, ista clica de Puyalón fue testigo d’o despliegue d’as fuerzas d’ocupación espanyolas (helicoptero, decenas de secretas, a-saber-los d’antidisturbios…) ta desarticular as manifestacións independentistas de nueitz, convocadas por as organizacións chovens AMI y BRIGA. Risultau: Enrestidas policials por o casco viello d’a ciudat, y 3 detenius d’a organización BRIGA.

O diya 25 Puyalón de Cuchas participó en a manifestación d’o Diya d’a Patria Galega convocada por NÓS-Unidade Popular, que comencipiaba a las 12.30 de l’Alameda de Compostela. Bells centenars de presonas y en un ambient prou combativo,  controlada de contino por a policia espanyola (que profes, yera tratada como ixo que son, mercenarios y fuerzas d’ocupación). Amás d’a nuestra delegación aragonesa, bi’n heba cent d’a cucha abertzale d’Euskal Herria, gent d’Endavant d’os Països Catalans, chent d’Iniciativa Comunista de Madrid…antimas d’atras organizacións que no podioron asistir-ie pero que ninviaron o suyo refirme (Izquierda Castellana, Nación Andaluza, Libertat,…)

Iste estió o comunicau de refirme que un militant leyó en rematar a manifestación:

Dende Puyalón de Cuchas, organizacion politica d’a cucha independentista d’Aragon, queremos agradixer o convite ta participar (a primer vegada ta nusatrxs) en iste 25 de chulio, diya d’a Patria Galega, chunto a os y as compañers y compañeras de Nós-Unidade Popular.
En istos tiempos que somos vivindo d’esferra d’o sistema capitalista y imperialista espanyol, no podemos que ninviar-tos dende Aragón un acarrazo entrenacionalista y revolucionario, y alentar-tos a continar con l’acumulación de fuerzas y sectors populars y soberanistas en Galiza, que mas luego que tardi, esdevienga en una Republica Galega de triballadoras y triballadors, de feito liberada de cualsiquier chugo, an que construyir o socialismo.
No podemos que remerar @s pres@s politic@s galleg@s que son en as garcholas de l’estau espanyol. Ta ellas y ells, o nuestro aliento de resistencia y a nuestra total y sincera solidaridat. A ellxs y a totz e totas, queremos remerar-tos, ta rematar, a frase d’o vuestro compatriota, Moncho Reboiras, acotolau por as fuerzas d’ocupación espanyolas: “Que importa que nos maten se deixamos semente de vencer”

Entalto Aragón libre y Socialista!
Viva Galiza Ceive e Socialista!
A luita é o único caminho! Venceremos!

Ta rematar, Puyalón de Cuchas quiere agradixer o tratamient recibiu por xs companyerxs galegxs, y asperamos que, atamas d’a distancia, mos chune a luita, y mos tornaremos a trobar en no guaire. Lis ninviamos un acarrazo revolucionario y entrenacionalista a totz/totas ells/ellas.

ADIANTE A UNIDADE POPULAR!!

Anuncios